এই পৃষ্ঠাটোৰ বৈধকৰণ হৈছে
কোনো কথা নাই একাঁঠু বোকাৰে তোমাৰ চোতাল
মূৰৰ জাপিৰে বাজক বৰষুণৰ বৰতাল
প্ৰেমত পৰা সৈনিকে কৰিব পাৰে
আকাশৰ দুচপৰা ডাৱৰৰ দৰে মল্লযুঁজৰ আখৰা
চহাই-মৈয়াই সমান কৰে প্ৰেমৰ পথাৰৰ ওখোৰা-মোখোৰা
টপাটপ গিলিব পাৰে পকা থেৰেজুৰ দৰে
জীৱনৰ তিতা-মিঠা আৰু কিছু বিষণ্ণতা
অ’ মোৰ ৰাজমাই বাগিচাৰ ৰূপহী গাভৰুজনী
মোক তুমি শিৰীযৰ এটি সেউজীয়া শ্বামিয়ানা দিয়া।
(পূৰ্বপ্ৰকাশঃ শাৰদীয় ‘জনমভূমি’, ২০১২)
এমুঠি বনকৰা কিংখাপ কবিতা ।৬১