এই পৃষ্ঠাটোৰ বৈধকৰণ হৈছে
বতাহ খামুচি আছোঁ দিন-ৰাতি
বতাহ খামুচি আছোঁ দিন ৰাতি
যিদৰে পিতাই খামুচি আছিল
পথাৰৰ পলসুৱা মাটি নাঙলৰ মুঠি
আইয়ে খামুচি আছিল তাঁতৰ চালি-মাৰি
জানিছিলনে কেতিয়াবা এনেকৈ নাচিব
আমাৰ পো-পোৱালি
সাগৰতে সাঁতুৰিলোঁ তথাপি
নাখালোঁ এচলু পানী
পোনাহঁতক শিকালোনো কি পুৱা-গধূলি
ভাৱেনে ককা-আইতাই সপোনে-দিঠকে
কি খাই জন্ম হ’ল আমাৰ নাতি-পুতি
গুৰু-গোসাঁই নামানে ইমান কচুগুটি।
(পূৰ্বপ্ৰকাশঃ দৈনিক জনমভূমি, ১৬/১২/২০১৩)
এমুঠি বনকৰা কিংখাপ কবিতা।৩৭