এই পৃষ্ঠাটোৰ বৈধকৰণ হৈছে
৮৮
ৰণ্ জেউতি
“উঠাঁ উঠাঁ দাদা মচি চকু পানী
শুনা সখা ধনঞ্জয়,
এই মৰণেৰে জীয়ালে তোমাক
—আজি কুৰুক্ষেত্ৰ জয়!৬৫
অজেয় সহজ কৱচ কুণ্ডল
ছিঙ্গি বৈকৰ্ত্তনে—ভক্তি শতদল,৬৬
দান দি ইন্দ্ৰক ললে সলনিত
শক্তি কি যে তেজীয়ান,
ব্যৰ্থ কৰি যাক নোৱাৰে বিধিয়ে
বচাব পাৰ্থৰ প্ৰাণ।
পাৰ্থ-মৰণৰ সেই যে সঁজাতী
পুত্ৰ ঘটোৎকচে ললে বুকু পাতি!
আজি যে কৰ্ণৰ ঘোৰ পৰাজয়,
কান্দিছে শক্তি সি নাই!
গুচি গল বাছা কেনে হাঁহি মুখে,
জগতে কান্দক চাই।”
—“হেৰাল মণিটি তুলসী বনত!” ৬৭
থাকি থাকি ফুটে এই যি মুখত,—
আৰু যে নোৱাৰে কব জননীয়ে
দুগালেদি যায় বই