এই পৃষ্ঠাটোৰ বৈধকৰণ হৈছে
৭৬
ৰণ্ জেউতি
জাপ দি উঠিল আতুৰ কৰ্ণ ই
পুতেকৰ ৰথলই।
পলাই সাৰিল সেনা ৰাধেয়ৰ ৫৮
নায়ক নোহোৱা হই।
আগুৰি ধৰিলে ভীমক দুনাই
আচাৰ্য্য দ্ৰোণৰ আগলি সেনাই,
আহিল সাত্যকি, আহে ঘটোৎকচ,
লাগি গল মহাৰণ;
লঘুহস্ত দ্ৰোণ গৰজি উঠিছে
বিজুলীৰে ঘনে ঘন;
তথাপিতো তিনি বজ্ৰ মিলনত
মূৰছি পৰিল নিজৰ ৰথত;
অশ্বত্থামা বীৰে নিলে সৰুৱাই,
উঠে সিংহনাদ ঘনে,
এটি এটিকই ছয়োটি ৰথীয়ে
লুকায় হতাশ মনে।
আবেলি বেলিটি মাৰ যায় যায়,
কিৰীলি পাৰিছে কুৰুৰ সেনাই,
“জীলে জয়দ্ৰথ, মৰিল অৰ্জ্জুন,
প্ৰতিজ্ঞা বিফলে গল।”