এই পৃষ্ঠাটোৰ মুদ্ৰণ সংশোধন কৰা হৈছে
[ ১৫ ]
বামডালা ওতিয়া ঝালুৱা হিজল বানৰ-ডিমা।
গণশৰৈ ৰুইমলা চাম খৈৰ বগীপুমা॥
মোমাইলেটেকু হলঙ পাইন আৰু ঠোটমলা।
মাকৰীশাল কৰৈ কহিৰ উবিয়াম বলা॥
এইবোৰ নানা গছ ওপজে আমাৰে বনত।
তাকে কাটি সজাওঁ আমি আমাৰ ঘৰ শকত॥
⸻
আমাৰ দেশৰ শাকপাচলি
আমাৰ বাগানত ফলে নানা শাক পাচলি।
সুখ মনেৰে তাকে আমি খাওঁ তিনি বেলি।
লাই লফা পালেং চুকা পদুনা ধনীয়া।
মৰিচা বাবৰি জীৰা মেমধু ঢেৰুৱা॥
কলা-ডিল লাউ কোমোৰা ভোল ঝিকা পটল।
অমৃতা উৰহি তিয়ঁহ বেঙেনা কেচা-কল॥
মাটি-মাই মূগ মছুৰ তিল বুট মটৰ।
কচু এদা পিয়াজ নহুৰ সৰিয়হ অৰহৰ॥
ভাতকেৰেলা তিতাকেৰেলা জালুক জলকীয়া।
পুঁই কাদুৰি মানিমুনি ওল আলু ঢেকীয়া॥
বেত-গাজ তৰা-গাজ মহানিম-তিতা।
বাঁহগ৷জ, মৰিটেঙা ছেলেং বালি-তিতা॥
