এই পৃষ্ঠাটোৰ বৈধকৰণ হৈছে
নবগ্ৰহ স্তোত্ৰ।
জবাপুষ্প সম যাৰ লোহিত বৰণ
মহাতেজে নাশা অন্ধকাৰ;
কশ্যপৰ পুত্ৰ সূৰ্য্য পাপ বিনাশন
তুৱা পাৱে কৰোঁ নমস্কাৰ।
দিব্য শঙ্খ সম বৰ্ণ তুষাৰ ধবল
ক্ষীৰোদসাগৰে জন্ম যাৰ;
শম্ভু শীৰত শোভা তুমি শশধৰ
তুৱা পাৱে কৰোঁ নমস্কাৰ।
পৃথিবীৰ গৰ্ভজাত বিদ্যুৎ সমান
প্ৰভাশালী শক্তি অস্ত্ৰধৰ;
লোহিত বৰণ দেৱ মঙ্গল কুমাৰ
তযু পদে কৰোঁ নমস্কাৰ।
প্ৰিয় কলিৰ দৰে শ্যামল বৰণ
তুমি সৰ্ব্ব গুণৰ আধাৰ;
সুৰূপ শোভন বুধ শান্ত মনোহৰ
তযু পদে কৰোঁ নমস্কাৰ।
ঋষী আৰু দেৱতাৰ তুমিয়েই গুৰু
স্বৰ্ণবৰ্ণ তোমাৰ শৰীৰ;
ত্ৰিলোকৰ শ্ৰেষ্ঠ তুমি দেৱ বৃহস্পতি
তুৱা পাৱে কৰোঁ নমস্কাৰ।
