এই পৃষ্ঠাটোৰ বৈধকৰণ হৈছে
২০
স্ততিমালা
বিষয় বিষক খাই জ্বলি পুৰি প্ৰাণ যাই
তাৰ মাথোঁ বাৰাণসী স্থান।
আচাৰ বিচাৰ হীন কুকৰ্ম্মতে সদা লীন
নামানয় শাস্ত্ৰঅনুপাম;
অনাচাৰী পশুপায় যাৰ কতো গতি নাই
তাৰ গতি বাৰাণসী ধাম।
তপ জপ যজ্ঞ দান ধৰ্ম্ম কৰ্ম্ম আদি জ্ঞান
নাই মুখে ঈশ্বৰৰ নাম;
মানবী জনম পাই যাৰ কতো গতি নাই
তাৰ গতি বাৰাণসী ধাম।
পদে পদে অপমান কৰে সবে হেয়জ্ঞান
ঘিণ কৰে শুনিলেই নাম;
যেতিয়া দেখিবা চাই আৰু কতো গতি নাই
তাৰ গতি বাৰাণসী ধাম।
শঙ্কৰৰ পদ চাই তৰুণ মূৰুখে গায়
যদি কৰা মুকুতিত আশ;
বিষয় সুখক এৰি বোলা মুখে হৰি হৰি
সুখে কৰা বাৰাণসী বাস।
—————
