এই পৃষ্ঠাটোৰ বৈধকৰণ হৈছে
(৪৪)
মহিলা কীৰ্ত্তন।
অ হৰি এ, নাম লোৱা ৰৈ,
এনে হেন হৰি নাম কত পাবা গৈ,
হে নাম লোৱা ৰৈ।
অ হৰি এ, ৰসেৰ সাগৰ,
মুখ ভৰি লোৱা নাম নেলাগে ভাগৰ,
হে ৰসেৰ সাগৰ॥
অ হৰি এ, ৰাম কৃষ্ণ বোল
ৰাম নাম নলৈ মন কেনে হৈছে ভুল,
হে ৰাম কৃষ্ণ বোল।
অ হৰি এ, বাসুদেৱ বোল,
ধন জন পুত্ৰ ভাৰ্য্যাত কিয় হৈছা ভুল,
হে বাসুদেৱ বোল॥
অ হৰি এ, পাতক ভঞ্জন,
জগত ব্যাপি আছ৷ তুমি নাৰায়ণ,
হে পাতক ভঞ্জন।
অ হৰি এ, জয় জগন্নাথ
দিয়া দেখা কৰো সেৱা দোৱাই আছো মাথ।
হে জয় জগন্নাথ॥
অ হৰি এ, তুমি সৰ্ব্ব সাক্ষী,
সংসাৰত ভ্ৰমি ফুৰো তোমাক নভজি,
হে তুমি সৰ্ব্ব সাক্ষী।