এই পৃষ্ঠাটোৰ মুদ্ৰণ সংশোধন কৰা হৈছে
২২০
মহাপুৰুষ শঙ্কৰদেৱৰ বাণী
৬। আত * মহাধৰ্ম্ম একে নামেসে প্ৰখ্যাত।
শ্ৰৱণ মাত্ৰকে কৰে কৃষ্ণক সাক্ষাত॥
পূজা নমস্কাৰ ধ্যান সমস্তে দুষ্কৰ।
হৰি-গুণ নাম-ধৰ্ম্ম মহা সুখকৰ॥
স্ত্ৰী বৃদ্ধ বাল্য সমস্তৰে অধিকাৰ।
চাণ্ডালকো কৰে নামে তেখনে উদ্ধাৰ॥
(দ্বিতীয়, ২২—২৩)
৭। মোৰ বাক্য সুদৃঢ় বিশ্বাস সখি কৰি।
আন দেৱ-ধৰ্ম্ম মানে সবাকো নাদৰি॥
মোৰ নাম-ধৰ্ম্ম কৰা শ্ৰৱণ কীৰ্ত্তন।
হুয়ো মহা সুখে সখি সংসাৰ তৰণ॥
(অৰ্জ্জুনৰ প্ৰতি শ্ৰীকৃষ্ণ; ভক্তি প্ৰদীপ, ১৫৩)
৮। নাম লৈলে মাধৱে নেৰন্ত তাৰ কাছ।
যেন ধেনু স্নেহত বৎসক নেৰে পাছ॥
নাম-ধৰ্ম্ম হেনসে হৰিক কৰে বশ্য।
নামৰ মহিমা ইটো বেদৰো ৰহস্য॥
(ষষ্ঠ, ১৭৪)
৯। কৃষ্ণ সূৰ্য্য ভৈল উদিত।
নাম-ধৰ্ম্ম কৰিলা বিদিত।
(কীৰ্ত্তন ঘোষা ১৯৪)
- আত—ভাগৱততঃ।