এই পৃষ্ঠাটোৰ বৈধকৰণ হৈছে
◇ বিহুগীত ◇ ৫৭ ◇
(২০)
আবেলি আবেলি মেঘে বৰষিলে
গধূলি বৰষে দেও।
নৈ গৰা ভঙাদি চেনাই মন ভাঙিলে
বুজাওঁতা নহলে কেওঁ॥
(২১)
আগলি বাঁহৰে পবালি গগণা
বহি তাঁত পাতত বাঁও।
আহেকি নাহে ঐ মোৰ ধন চেনেঙা
চিৰিপাতি মঙলখন চাওঁ॥
(২২)
নাজিৰা হাটলৈ ওলাইছা যাবলৈ
আনিবা পোৱালৰ মণি।
গোন্ধতোল আনিবা চিচিকৈ মালতী
ওদালৰ আনিবা ফণি॥
(২৩)
নৈ ভেঙুচীয়া পাকে ঐ ঘুনুচা
নোশুনো কেতেকীৰ মাত।
এদালি দুদালি লিহিৰি গজিছে
ধনে পানীখোৱা ঘাট॥
(২৪)
ফুলৰ নাম ইলাচী ফুলৰ নাম বিলাচী
ফুলৰ নাম খৰিকাজাই।
ধনলৈ বুলি গাথোঁ ফুলৰ মালা
শতুৰু আছেহি চাই॥
(২৫)
যৌৱনৰ শুৱনী আশী চেলেংখনী
ফুলৰে শুৱনী পাহি।
ধনৰে শুৱনীৰ ৰঙাগাল দুখনি
বিজুলী বাতিযেন হাঁহি॥
(২৬)
উজাই দিখৌ গৰাত নাগিনী নামিলে
পানীতে পৰিলে ছাঁয়া।