এই পৃষ্ঠাটোৰ বৈধকৰণ হৈছে
দেৱধ্বনি
(১৬)
মুৰ্ত্তিমান—
সত্য-প্ৰকট জ্যোতিৰ্ম্মান!
(বহু ) যুগৰ কুহেলিকা হেলি
চিত্তে আজি বিদ্যমান।
উঠে নবীন জীৱন-বেলি
মহাতেজা দীপ্তিমান।
মোহৰ আঁৰ দে ভাই দাঙি,
দে ভাই বান্ধোন-ভেটা ভাঙি
—গৰ্জ্জি উঠক কেশৰ দাঙি
পুৰুষ-সিংহ শক্তিমান।
চূৰ্ণ কৰি ভগ্ন গৃহ—
ছিন্ন কৰি জীৰ্ণ দেহ
মুক্ত কৰ ভাই অন্তৰাত্মা মহতৰো মহীয়ান;
শয়ন ত্যাগি উঠক জাগি
মুৰ্ত্তিমন্ত ভগৱান।
আহিন, ১৮৫৫শক]
