এই পৃষ্ঠাটোৰ বৈধকৰণ হৈছে
দেৱধ্বনি
(৭)
বিশ্ব ভূৱন জাগে,
আই, বিশ্ব ভুৱন জাগে।
সুপ্ৰভাতে সত্য যুগৰ সোণোৱালী ৰাগে,
—কলি বিদায় মাগে।
দীন-দুখীয়া চহা-বনুৱা
উঠে উজাৰ খাই,
—সমান বিচাৰ লাগে—
সমাজ বান্ধি সৱে আজি সকল দিশে জাগে!
উঠে মহা-মানৱ জাতিৰ জাগৰণৰ ৰোল
আকাশত উল্লাস হিন্দোল
নৱ যুগৰ উদে ৰবি নৱ অনুৰাগে,—
বিশ্ব ভুৱন জাগে।
উঠা উঠা মাতৃ মোৰ,
তুমি মাথোঁ নিদ্ৰাতুৰ
কিহৰ বিৰাগে?
জোৰপুৰি হাতত লাগে,
(তোমাৰ) টোপনি নেভাগে;-
বিশ্বভুৱন জাগে।
আহাৰ, ১৮৫২শক]
