এই পৃষ্ঠাটোৰ বৈধকৰণ হৈছে
১৩৯
বিহুৱতী
শিমলু লেলেঙা, ডালটি পোলোঙা,
শিমলুৰ লেলেঙা ডাল।
গাভৰু লেলেঙা, ভৰিটি পোলোঙা,
জানো দেখিবলৈ ভাল॥ ৭৩৫।
মাকৰী ঘিলাৰ ফাক, ঐ বহনা,
মাকৰী ঘিলাৰ ফাক৷
মূৰ-গা ধূবলৈ ঘিলা খুজিছিলা,
ঘিলা দি পঠিয়াম কাক॥ ৭৩৬।
আলি বাটে বাটে মহে লালি পাতে,
ওৱাল বা কেহেলৈ গল।
ওদালৰ তলতে নাকী- জৰী বাটোঁতে,
মহ বনৰীয়া হল॥ ৭৩৭৷
আউলী ধানকে দাবলৈ যাওঁতে
বাউলী বতাহে পালে।
কাচি দালি মাৰি হাবিতে সোমালোঁ,
গোটগাত বৰলে খালে॥ ৭৩৮৷
চেনেহৰ চুমায়ে নাকটি ছিঙিলে
ৰখাব নোৱাৰোঁ তেজ।
খৰকৈ যোৱাঁগে, বহনাক কোৱাঁগৈ,
তেৱেঁ লাগকহি বেজ॥ ৭৩৯।