এই পৃষ্ঠাটোৰ বৈধকৰণ হৈছে
(নেপথ্যত ৰণোল্লাহ, হিলৈ-ধৰতোপৰ ধ্বনি)
তেজেৰে ৰাঙলি হৈ লাইথেপেনা বৰগোহাঞি ডাঙ্গৰীয়া লগৰীয়া
বিষয়াবৰ্গৰে সৈতে উত্ৰাৱলভাৱে প্ৰৱেশ।
সলাল গোহাঞি।— ধন্য ডাঙ্গৰীয়া!
ধন্য তৱ বাহুবল, ধন্য বীতেজ,
ধন্য ৰণ-ৰীতি-বুদ্ধি।
জাগিয়াল গোহাঞি।— নেদেখি আছিলোঁ,
অহ, অতকাল এনুৱা বীৰত্ব! ভাগ্যে
আজি দেখিলোঁ সাক্ষাতে।
বহিয়াল বৰুৱা।— শুনিছিলোঁ লোকমুখে।
ডাঙ্গৰীয়া ৰণঞ্জয় বুলি; পালোঁ আজি
প্ৰত্যক্ষ প্ৰমাণ।
বৰগোহাঞি ডাঙ্গৰীয়া।— নহওঁ শলাগভাগী
অকলই মই তোমাসৱ অবিহনে,
আজিৰ ৰণত, জয়লাভ অৱলাৰ
নাছিল সম্ভৱ, এনে অনতিপলমে।
—ধন্য তোমাসৱ।