এই পৃষ্ঠাটোৰ বৈধকৰণ হৈছে
কৰ্ণ পৰ্ব্ব।
অসাৰ সংসাৰ চিন্তা এৰি সৰ্ব্বজন।
অনুক্ষণে হৰিপদ কৰিও স্মৰণ॥
কহে ৰাম সৰস্বতী কৃষ্ণৰ চৰণে।
বোলা ৰাম ৰাম হৰি সভাসদগণে॥ ৫৩১॥
দুলৰী।
সঞ্জয় বদতি শুনা কুৰুপতি
পাছে যেন ভৈলা কাজ।
যেতিক্ষণে কৰ্ণ ৰণত পৰিল
দেখি দুৰ্যোধন ৰাজ॥ ৫৩২॥
মহাশোক শেলে হৃদয় বিদাৰে
যেন গায়ে দিলা জুই।
কতো বেলি ৰাজা নমাতি থকিলা
অধোমুখে মৌন হুই॥ ৫৩৩॥
কৰ্ণ পৰে ৰণ তাৰ মাথে যেন
স্বৰ্গ পৰিলেক ভাগি।
মহাশোকে ৰাজা কান্দিবে লাগিল।
ৰাধাৰ পুত্ৰক লাগি॥ ৫৩৪॥
তোহোৰ বহুত আশ্ৰয় কৰিয়া
জীয়ো মই সমুদায়।