এই পৃষ্ঠাটোৰ বৈধকৰণ হৈছে
১৮
[১ম অঙ্ক
কৃষ্ণ লীলা
কৃষ্ণ। কিবা ভাগ্য আজি মামা এৰি ৰাজধানী
ক্ষুদ্ৰ গাওঁ ব্ৰজধামলৈ হ’ল আগমন।
বলো। মামা, মানিছো নিজকে ধন্য আপোনাক
আলহি স্বৰূপে পাই।
অক্ৰুৰ। ৰাজ ৰাজেশ্বৰ প্ৰভু কংসৰায়ে
পঠিয়ালে মোক নিমন্ত্ৰি নিবলে তোমালোক
দুয়োটিকে। মহা মহোৎসৱ হব কালি।
বহু ক্ৰীড়া আৰু মাল যুদ্ধ আদি হব।
ৰাজ প্ৰাঙ্গণত। সেই উপলক্ষে বোপা
দুয়োজন যাব লাগে।
কৃষ্ণ। কি মজাৰ কথা মামা। নিশ্চয় নিশ্চয়
যাম আমি দুয়ো। কেতিয়াও দেখা নাই
ৰাজসভা ৰাজধানী। অজ্ঞ গাওঁলীয়া
আমি। এনে নিমন্ত্ৰণ আমি নোৱাৰিম
উপেক্ষা কৰিব।
বলো আমাকো দিবনে মামা মাল সহ তাত
যুজ দিবলৈ।
অক্ৰুৰ। নিশ্চয় দিব। কিন্তু বোপা বাইদেউ
যশোদাই, নন্দ ভিনিহীয়ে, যাবলৈ
অনুমতি নিদিয়ে দেখোন।
যশোদা। (কৃষ্ণক সাবটি ধৰি)
বাছা মোৰ নয়নৰ মণি প্ৰাণপ্ৰিয়
প্ৰাণৰ পুতলি ব্ৰজৰ জীৱন ধন