সৰাপাত (প্ৰভাত হালৈ)/উপাধি সন্মিলন
উপাধি সন্মিলন
লুইতৰ পাৰত লাচিতৰ চোতালত
বহিব উপাধি সন্মিলন।
শঙ্কৰ মাধৱৰ কীৰ্ত্তন ঘোষাৰে
ওপৰৰ ৰভাখন॥
চাৰিও ফালে চাৰিটা জাতিৰ
ৰভাৰ চাৰিটা খুতি।
ঐক্যৰ জৰীৰে বৰ সযতনে
ৰভাখন থৈছে যুটি॥
কনকলতা মুলাগাভৰুই
সাৰিছে ৰভাৰ তল।
জয়া বেউলাই পানী চতিয়াই
পবিত্ৰ কৰিছে থল॥
কুশল কোঁৱৰ মনিৰামহঁতে
ফুৰিছে সকলোকে মাতি।
ৰঞ্জীত বৰপূজাৰী অনিল বড়াই
প্ৰতিবেদন লিখিছে খাতি॥
আজান ফকিৰৰ জিকিৰৰ ধ্বনিৰে
হ'ব আৰম্ভ সভাৰ কাম।
এইয়েই প্ৰথম লাচিতৰ চোতালত
উপাধি সন্মিলন নাম॥
সভাৰ জাননী পাই সকলোৰে
মনত আনন্দ বৰ।
বাৰে ৰহনীয়া উপাধি সন্মিলন
প্ৰথম এইয়া অসমৰ॥
বৰদলৈ, বৰদেউৰী ৰায়মেধি, হাজৰিকা
আৰু ওলাল বৰপূজাৰী।
বৰ কটকী কটকী শৰ্মা
লগত আহিল মুচাহাৰী॥
ভট্ট ভট্টাচাৰ্য্য কাকতি, দাস
আৰু পাটোৱাৰী।
বুজৰবৰুৱা কলিতা, ডেকা
দৈমাৰী, স্বৰ্গীয়াৰী॥
হালৈ, তালুকদাৰ বৈশ্য, বৰ্মন
আৰু মজুমদাৰ।
কৈৱৰ্ত্ত, কেওট মেধি, সাউদ
ঘাটোৱাৰ, ধানোৱাৰ॥
বণিক্য, ৰাজবংশী কোচ, মেছ
আহিল চি্ল, লহকৰ।
শইকীয়া, বৰবৰা খাউণ্ড
আৰান্ধৰা খণ্ডকাৰ॥
ডাউকা, ভড়ালী সুত্ৰধৰ
তিৰ্কী মুণ্ডা তাতী।
কুৰ্মী, গোপাল কৈৰী, মিনচ
পাটগিৰী, ভাগবতী
বৰবৰুৱা হাতীবৰুৱা
দত্ত, কুমাৰ, অধিকাৰী।
কচাৰী, ব্ৰহ্ম দেউৰী, বড়ো
নাৰ্জাৰী, খাখলাৰী॥
দাধৰা, দিহিঙ্গীয়া বৰভূঞা
গন্ধীয়া দস্তিদাৰ।
আলী, আহমেদ চেখ, হক
গোস্বামী, মালাকৰ॥
শালৈ, বেজবৰুৱা তামুলী, নাথ
তেলেঙ্গা, কন্দপান
চৌধুৰী, ভূঞা পাঠক, মোটক
জখৰীয়া, ৰহমান॥
হাগজেৰ দেৱবৰ্মা গাইব্লং সিনহা
বৰফুকন, সোনোৱাল।
হাজোৱাৰী, বাগলাৰী মাৰান্দি, লগান
মণ্ডল, ঘোচ, লস্কৰ, পাল॥
গোৱালা, কুৰ্মী হুচেইন, শইকীয়া
আহিল খান, চিকদাৰ।
চৌধুৰী, চহৰীয়া ৰয়, বৰবড়া, সেনডেকা
তহবিলদাৰ, মুদিয়াৰ॥
বুঢ়াগোঁহাই পানী ফুকন, ধৰ
আৰু চাং কাকতী।
বৰপাত্ৰগোহাই চেতিয়া, ফুকন
যায় আনন্দেৰে অতি॥
চাউদাং বৰুৱা ঢেকীয়াল ফুকন
আৰু ওলাল ডেকা ৰজা।
মিলিব সকলে ৰভাৰ তলত
কেনেনো হব মজা॥
গগৈ, চুতীয়া সুত, মৰান, মহন্ত
খাৰঘৰীয়া, সন্দিকৈ
নেওঁগ, চমুৱা কুকুৰ চোৱা মিলি
সন্মিলন ওলাব গৈ॥
সিংহ, পাচনী পুৰকায়স্থ
মালিক, চক্ৰবৰ্ত্তী, সুত, গলত
যথা সময়ত মিলিল আহি
একতাৰ ৰভাৰ তলত॥
উপাধী সমূহ
|
বৰপুজাৰী
|
কৈৱৰ্ত্ত
|
গোপাল
|
|
তালুকদাৰ
|
তিৰ্কি
|
দষ্টিদাৰ
|
|
গাইব্লং
|
মুদিয়াৰ
|
চক্ৰবৰ্ত্তী
|