ভূমি লুটি কান্দে গোপীনাথ

by শ্ৰীমন্ত মাধৱদেৱ

                     ।। ৰাগঃ ভাটিয়ালী।। একতাল।।

             ধ্ৰুং।। ভূমি লুটি কান্দে গোপীনাথ ভাণ্ডিতে মাৱৰে।
                     চুৰি কৰি ক্ষীৰ লৱণু খাৱে ভণ্ড নিজৰে।।

              পদ।। কেবা নিয়া কাইল মোৰ এ নৱ লৱণী।
                      ওহি বুলি হুম্ হুমি কান্দে যদুমণি।।
                       ঘন ক্ষীৰ ফুটি থৈয়াছিলো তাৰে গেল খায়া।
                      ওহি বুলি কান্দে কানু ভাণ্ডিতে গড়াইয়া।।
                      এথানে আছিল বাঁহী কেবা নিল তাৰে।
                      এ তিনি প্ৰমাদ মোৰ ভৈল একেবাৰে।।
                      ওহি বুলি গেৰিপাৰি কান্দে যদুৰাই।
                      কহয় মাধৱ গতি বালক কানাই।।