গোলাপ: বিভিন্ন সংশোধনসমূহৰ মাজৰ পাৰ্থক্য
Bishnu Saikia (আলোচনা | বৰঙণি) No edit summary |
Bishnu Saikia (আলোচনা | বৰঙণি) No edit summary |
||
১ নং শাৰী: | ১ নং শাৰী: | ||
{{header |
{{header |
||
| title = গোলাপ |
| title = গোলাপ |
||
| author = |
| author = ৰঘুনাথ চৌধাৰী |
||
| translator = |
| translator = |
||
| section = |
| section = |
১৯:৫৮, ২৮ ডিচেম্বৰ ২০১২ৰ সংস্কৰণ
<poem> কাৰ পৰশত ফুলিলি বান্ধৈ অ’ মোৰ সাদৰী ফুলাম পাহি ? শ্যামলী পাতৰ ওৰণি গুচাই কাৰ ফালে চাই মাৰিলি হাঁহি ?
কোন নন্দনত লগালি চমক, নাচিছে য’ত পৰি বুলবুল, অভিশপ্ত হৈ বিলাস-কুঞ্জত প্ৰেম-মদিৰাত যেন মচগুল ?
হাছনা্হানাৰ তীব্ৰ গন্ধত সপোন-বিভোৰ মাধবী নিশা, তোৰ পৰশত বিৰহী জোনৰ পলালনে প্ৰিয়ে প্ৰাণৰ তৃষা ?
আৰব-পিয়াৰী বছৰা ৰাণীৰ গুল-বদন পেলালি জুৰ, ভাঁহি ফুৰে তোৰ ৰূপ-তৰঙ্গত পাপিয়াৰ স্নিগ্ধ কৰুণ-সুৰ ?
ফুলিলি যিদিনা মৰু উদ্যানত উৰিল সৌৰভ জগত জুৰি, গগণ্চুম্বী কলোছাছে তোৰ পান কৰিলে ৰূপ-মাধুৰী !
আছিলিনে প্ৰিয়ে বেবিলনৰ গুল-বাগানত ফুলৰ ৰাণী ? স্বৰ্গৰ নন্দন সাজিলি শূন্যত, কবিৰ মুখৰ অমৰ বাণী |
ৰূপ ৰস গন্ধ পৰশ প্ৰেমত জিনিলি পিয়াৰা হিন্দুস্তান, বাদছাি হেৰেম কৰি গুলজাৰ দিল-দৰিয়াত তুলিলি বান |
তোৰ ই ৰূপ জগতৰ বিভোল ঢালিলি প্ৰেমৰ বিমল ধাৰা , দিল্লী বেগম নুৰজাহানৰ আছিলিনে তয়ে দিলবাহাৰা ?
কোন সুন্দৰীৰ নিমজ গালত ফুটাই তুলিলি চিকণ কাজ ? উঠিল প্ৰেমিক ছাহজাহানৰ ভুৱনবিজয়ী মৰ্ম্মৰ তাজ !
কত কাব্য-গাথা, অতীতৰ স্মৃতি, উদাস প্ৰেমৰ মূৰ্ত্ত বিকাশ, বিজড়িত তোৰ কোমল বুকুত কত বিৰহীৰ হা-হুতাশ !
ফুলিবিনে মোৰ মানস-কুঞ্জত অ’ মোৰ দৰদী ফুলাম পাহি ? উঠিবনে বাজি প্ৰিয়া পাপিয়াৰ পুলক-ভৰা মিলন-বাঁহী ?