বিল্বেশ্বৰ/বিষয়বাব আৰু চুবুৰীৰ নাম

by প্ৰভাত হালৈ

বিষয়বাব

১।	যি ব্ৰাহ্মনৰ কপিলী গাই বিৰিণাৰ ওপৰত গাখীৰ দিছিল সেই ৰূপ নাৰায়ণ ব্ৰাহ্মণক পুজাৰীৰ দায়ত্বত আৰু গোবিন্দ মিশ্ৰক বিধিপাঠকৰ দায়ত্ব দিয়া হ'ল।

২।	পূজা ভোগৰ যি সকলে যোগান ধৰিব তেওঁলোকক দেউৰী উপাধি দিয়া হ'ল। দেউৰী সকলৰ বাসস্থান থকা ঠাই দেউৰী পাৰা।

৩।	পুজাৰ বাবে ফুল, বেলপাত, মালা, যিজনে আনি দিব তেওঁক মালী উপাধি দিয়া হ’ল তেওঁৰ বাসস্থান মালিপাৰা

৪।	পূজা সেৱাৰ সময়ত ব্ৰাহ্মণ, গায়ন, বায়ন, যাত্ৰাদল ঢুলীয়া আদি নিমন্ত্ৰণীৰ উপৰিও বিচাৰ আদিৰ নিমন্ত্ৰণ যিজনে দিব তেওঁৰ উপাধি মাতাশাৰা তেওঁৰ নামে মাতাপাৰা

৫।	পুজা সেৱাত চান্দোৱা কাপোৰ যোগান ধৰাৰ উপৰিও ইচ্ছাকৃতভাবে দান-বৰঙণি যিজনে সংগ্ৰহ কৰিব তেওঁক উপাধি দিয়া হ’ল চান্দশাৰা তেওঁৰ নামে চান্দপাৰা।

৬।	অকল পূজা সেৱাৰ সময়তে নহয়, মন্দিৰৰ নিত্য কৰ্মৰ সময়তো যিজনে ভড়ালৰ সম্পূৰ্ণ দায়িত্ব লব তেওঁৰ উপাধি ভড়ালী। তেওঁৰ নামে ভড়ালীপাৰা

৭।	বিচাৰৰ দায়ত্ব যি জনক দিয়া হ’ল তেওঁক উপাধি দিয়া হ’ল শিকদাৰ। শিকদাৰৰ বাসস্থান শিকদাৰ পাৰা

৮।	পূজা সেৱাৰ ভোগৰ বাবে প্ৰয়োজনীয় খৰি খেৰ যিজনে যোগান ধৰিব তেওঁৰ উপাধি খৰিয়া তেওঁৰ নামে খৰিয়াপাৰা।

৯।	শিকদাৰৰ সহঃ বিচাৰক মুদিয়াৰ মুদিয়াৰৰ নামে মুদিয়াৰপাৰা।

১০।	পুজাৰ বাবে তিল, চাউল, দুবা যিজনে যোগান ধৰিব তেওঁৰ চুবা তিলাপাৰা।

১১।	পুজা সেৱাৰ সময়ত যিজনে স্বেচ্ছাসেৱাৰ কাম কৰিব তেওঁক ডেকা উপাধি দিয়া হ’ল তেওঁৰ বাসস্থান ডেকাপাৰা।

১২।	বীৰত্বৰে পুজা সবাহত যিজনে গন্দগোল আদি মীমাংসা কৰিব তেওঁক বীৰ উপাধি দিয়া হ’ল। তেওঁৰ নামে বীৰাপাৰা।

১৩।	কোনো মানুহৰ আকস্মিক দুৰ্ঘটনা আদিত যিজনে চিকিৎসা সেৱা আগবঢ়াব তেওঁক উপাধি দিয়া হ'ল। ওজা (বেজ) তেওঁৰ নামে ওজাপাৰা।

১৪।	শিকদাৰ আৰু মুদিয়াৰৰ তলত আৰু এজন বিচাৰক সৰু সুৰা বিচাৰবোৰ তেওৱে সমাপ্ত কৰিব পাৰে। তেওঁক উপাধি দিয়া হ’ল মেধী তেওঁৰ নামে মেধীপাৰা।

১৫।	বিচাৰৰ সময়ত যিজনে সভাৰ উদ্দেশ্য ব্যাখ্যা কৰিব তেওঁক উপাধি দিয়া হ'ল মেলেকী তেওঁৰ নামে মেলেকীপাৰা

১৬।	শিকদাৰ, মুদিয়াৰ, মেধী সমাপ্ত কৰিব নোৱাৰা বিচাৰ যিজনে কৰিব বিচাৰক সৰ্বোচ্চ ভাৰাকাইঠ উপাধি দিয়া হ'ল।

১৭।	পুজা সেৱাৰ সময়ত বগা কাপোৰ যিমান লাগে (বৰণৰ কাপোৰ আদি কৰি) যিজনে দিব লাগিব তেওঁৰ চুবা শুক্লাপাৰা (বৰ্ত্তমান শুকাপাৰা)

১৮।	দোনা, পাত, কল, কলপুলি আদি যিজনে যোগান ধৰিব তেওঁৰ চুবা পাটকোপাৰা (উপাধি পাটোৱাৰী)

১৯।	সকলো কামৰ যিজনে তদাৰক কৰিব তেওঁক মেনা উপাধি দিয়া হ’ল। তেওঁৰ নামে মেনাপাৰা

২০।	সাধাৰণ ৰাইজ ব্ৰোহ্মণৰ বাহিৰে) কৰ্মকৰ্তা আদিৰ বাবে যিজনে ৰন্ধা বঢ়া কৰিব তেওঁক ঠাকুৰ উপাধি দিয়া হ'ল তেওঁৰ নামে ঠাকুৰীয়া পাৰা।

২১।	পুজা সবাহত, মঞ্চ, চাইমালা এনেকি চন্দ্ৰতাপ হেঙাৰ বন্ধা আদি জৰি যিজনে যোগান ধৰিব তেওঁৰ ঠাই জৰিয়াপাৰা

২২।	ইয়াৰ ভিতৰত চাৰিজন মুছলিম পাইক দিয়া হ'ল কোনো কাৰণত কোনোবাই যদি বিচাৰ নেমানে মুচলিম পাইকে তেওঁক ধৰি আনিব পাইকৰ বাসস্থান পাইকপাৰা

২৩।	পাইক সকলৰ ওপৰত এজন হুজুৰ থাকিব (প্ৰধান) তেওঁৰ নামে হুজুৰীপাৰা

২৪।	মন্দিৰৰ নিত্য পুজাৰ, আৰতীৰ সময়ত যি সকলে খোল তাল বাদ্য কৰিব তেওঁক বায়ন উপাধি প্ৰদান কৰা হ'ল তেওঁৰ নামে বায়নপাৰা

২৫।	অতিজত দেৱ-দেৱীৰ সন্তুষ্টিৰ বাবে কিছু পুৰুষ মহিলাই দেৱ-দেৱীৰ আগত নৃত্য কৰিছিল নৃত্য শব্দৰ আধাৰত তেওঁক নট বোলা হয়। তেওঁৰ ঠাই নটপাৰা

২৬।	পোহৰৰ বাবে কিছুমান ভন্দা (লাউ কামোৰা খুলি তাত শলিতা আৰু ভঙা সৰিয়হৰে পোহৰ কৰা এটা যতন) যিজনে এই ভন্দা তৈয়াৰ কৰে তেওঁৰ ঠাই ভেন্দাপাৰা

২৭।	বিচাৰত দোষী সাব্যস্ত হ'লে যিজনে শাস্তি প্ৰদান কৰিব (অতি খঙাল ডেকা) তেওঁৰ ঠাই ফিৰিঙি ডেকাপাৰা বোলা হয়।

২৮।	মন্দিৰৰ চৌ-পাশৰ পৰা আৰম্ভ কৰি নিস্কৰ ভূমি আদি যিজনে তদাৰক কৰিব তেওঁক ৰজাই তালুকদাৰ উপাধি দান কৰে তেওঁৰ নামে তালুকদাৰপাৰা।

২৯।	মন্দিৰত কদাল, কুঠাৰ যাবতীয় অস্ত্ৰ যিজনে যোগান ধৰিব তেওঁৰ চুবুৰী কমাৰপাৰা

৩০।	পুজা বা মন্দিৰৰ নিত্য কৰ্মত, ঘট, চাকী, চৰু ধূনা বাতি আদি যিজনে যোগান ধৰিব তেওঁৰ চুবুৰী কুমাৰপাৰা

৩১।	বৰভিঠা বৰদেউৰীসকলৰ বাসস্থান ঠাইখিনি আন ঠাইতকৈ অলপ ওখ আছিল বাবে বৰভিঠা বোলা হয়। তেওঁলোক মন্দিৰৰ তন্ত্ৰধাৰক পদবীৰ অধিকাৰী