এই পৃষ্ঠাটোৰ বৈধকৰণ হৈছে
সৰাপাত
লটা বোৰেও কয়।
মানুহবোৰৰ অত্যাচাৰত দেখো
আমাৰো সকলোৱে ওলা।
গছৰ লগত আমাৰ লটা বোৰেওঁ
যোগ দিওঁ গৈ বলা॥
পান, জালুক, জিকা, তিয়হ
কোমোৰা ৰঙালাউ।
মাধবীলতা কুঞ্জলতা
আমিও ধৰ্ণালৈ যাওঁ॥
জাৰমনী লতা আকাশী লতা
নেচেৰা, পটল, ভোল।
ভেদাই লতা, কোৱা ভাতুৰী
সোনকালে ওলা ব’লা॥
সিদ্ধিলতা বাঘআচৰা লতা
ভুই কুমুৰা, তেতেলি পাতা।
বিয়েনী সাবতা, হাৰজোৰা
গুনৰাজ উৰহীকো মাতা॥
ঢেকীয়া পতিয়া গছ আলু
আৰু আহিল নিলেজী মাহী।
চেকেলী খুণ্ডা পিপলী পুৰৈ
আহিল আনন্দ মনে হাঁহি॥
৩০
