এই পৃষ্ঠাটোৰ বৈধকৰণ হৈছে
সৰাপাত
পাতিলে কমিটি খন॥
বৰ বৰালী সভাপতি
ভকুৱা হব সম্পাদক।
আৰি আৰু গাগল মিলি
দুয়ো ললে ৰভাৰ ঠিকা॥
কাৱৈ, চেনী পুঠি সংস্কৃতিক বিভাগত
ৰৌৰ ভাগত অভ্যৰ্থনা।
প্ৰচাৰ বিভাগত শোল থাকিব
সকলোৱে জনা-শুনা॥
গঙ্গাটোপে ঢোলপিতি দি
জনালে সভাৰ দিন।
সভালৈ সকলো ধাপলি মেলিলে
নাই সৰুবৰ চিন॥
শিঙি আহিল, মাগুৰ আহিল
আহিল শিঙৰা কাই।
নদীয়া-শিঙৰা, বৈদ্যা আহিল
লগত চেলেকনী বাই॥
কাঞ্চন মতী ওলাই আহিল
বেচা, চান্দাক লৈ।
কাতনী, বেচা, মোৱা আহিল
জাকত জিলিকা হৈ॥
৮
