এই পৃষ্ঠাটোৰ বৈধকৰণ হৈছে
সৰাপাহি
শৰশৰ্য্যা
চাৰিও ফালৰ পৰা
তিক্ষ্ণ তিক্ষ্ণ বান বোৰ
পৰিছে মোৰ হৃদয়ত।
অসহ্য যন্ত্ৰণা পাই
চকুলোতক নামিছে
মৃত্যুই মেলিছে দুই হাত॥
মোৰ ফালে আগুৱাই
আহিছে এন্ধাৰ বোৰ
দেহ মোৰ অবশ অচল।
শৰ সৰ্য্যাৰ কোলাতেই
টোপনী যাবলৈ মোৰ
এটি বাৰ পাইছো সুচল॥
ৰথী মহাৰথী বোৰ
চাৰিও কাষত মোৰ
তিক্ষ্ণবান কৰিছে প্ৰহাৰ।
ৰক্তাক্ত শৰীৰ মোৰ
কপিছে যে থৰ থৰ
চাৰিওফালে দেখিছো এন্ধাৰ॥
২৮
