পৃষ্ঠা:Sarapahi.pdf/৩৩

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
সৰাপাহি
 

হৰন কৰিছে বস্ত্ৰ
 পিতামহ ভীষ্মৰ আগত॥
দ্ৰোনচাৰ্য্য গুৰুদেৱ
নিমাত কিয়নো আজি
 পিতামহ কিয় নিৰুত্তৰ।
জন্ম অন্ধ ধৃতৰাষ্ট্ৰ
শুনি কৰা উপভোগ
 যশস্যা যে তোমাৰ পুত্ৰৰ॥
যদিওবা অন্ধ তুমি
নহোৱা বধীৰ কিন্তু
 তথাপিতো আছা মনে মনে।
কুল বধুৰ তুমি
উলঙ্গ ছবিটি ভাবি
 অট্ট হাহি হাহা ঘনে ঘনে॥
শুকুনী মামাই আজি
কৃত কাৰ্য্যতাৰ বাবে
 কুটীল হাহি মাৰিছে যে চাই।
ধৰ্মভীৰু যুধিষ্ঠিৰ
পন কৰি বন্দি হল
 বাকৰুদ্ধ আজি পঞ্চ ভাই॥

২৬