এই পৃষ্ঠাটোৰ বৈধকৰণ হৈছে
দেশ
দেশৰ সঁচাকৈ সপোন আছে,
ৰাইজৰ মনবোৰ দেশীয় সপোনৰ দৰ্শক হয়।
এনেকৈয়ে দিনবোৰ আগবাঢ়ে,
মাজে মাজে ৰাস্তাত কেঁচা তেজৰ গোন্ধ ...
প্ৰায়েই প্ৰতিয়মান হয়।
ইয়াত শ্বহীদ শব্দতো যেন
পৰৱৰ্তী সময়ৰ কাৰণে
এটা আত্মতৃপ্তি!
জ্ঞান বুদ্ধি শাসনতন্ত্ৰৰ কৃত্ৰিম আৱিস্কাৰ,
সঁচাখিনি তাত মৰহি যায়।
জোনাকী ফুলৰ লগত খেলি ভাল পোৱা
সাধাৰণ নাগৰিকে
এইবিলাক বুজি নোপোৱাতো স্বাভাৱিক।
জুই কেতিয়াবা কাৰোবাৰ মিঠা হয়
হাঁহি তিতা হয়।
সেইকাৰণে মেৰুকৰণ, মেৰু বিভাজন
মানুহৰ স্পৰ্ষকাতৰ স্পৰ্ধা
বহুতে চাই ভাল পায়।
আলাসতে উমলি বাচি থাকিবলৈ
কি যে পৰিকল্পনা এইবোৰ!
শিল্পী সত্ত্বা - ১২
