এই পৃষ্ঠাটোৰ বৈধকৰণ হৈছে
সাগৰৰ নীলা সপোন
সাগৰৰ নীলা সপোনবোৰ
হেৰাই যোৱা মৰমৰ সৈতে মিহলাই
ৰামধেনু সজাও।
আশা নোহোৱা জীৱনৰ মূল্যনো কিমান?
চকু মেলিলে একোৱেই নেদেখো।
ভাগৰ নলগালৈকে মৰমবোৰ বিচাৰি ফুৰিলো,
কুঁৱলীৰ কোলাত শুই থকা সেমেকা মনতোৱে
আৰু কি কৰিব পাৰে!
আঁতৰত কাৰোবাৰ মাত শুনো,
ওচৰলৈও যাব নোৱাৰো ,
আকলুৱা হৈ কৰবাত বন্দী হৈ আছো ছাগে!
ভালপোৱা বোৰ সিঁচি সিঁচি
লৰালিক জুমি চাও ,
সাগৰৰ নীলা সপোনবোৰ
গোপনে গোপনে চাই ৰও।
শিল্পী সত্ত্বা - ১১
