পৃষ্ঠা:SILPI SATTA.pdf/১৩

 

বিপ্লৱৰ পৰিভাষা

আকাশৰ সৌন্দৰ্য্য পান কৰা
কোনোবা মহান সাহিত্যিকৰ সৃষ্টি
বিপ্লৱৰ পৰিভাষা হ'ব নোৱাৰে।
জনতাৰ ভাষাত বোধগম্যতা বিচাৰি নোপোৱা
চচিয়েল মেডিয়াত পৰিচয় বিচাৰি ফুৰাবোৰ
সদায় বিপ্লৱৰ আনটো মূৰত থাকে।

অন্যায়ৰ হেঁচা সচেতনতাৰ ইন্ধন
আৰু বিপ্লৱৰ প্ৰধান কাৰখান।
খোজত খোজ মিলাই
উদাসীনতাক জোৰত আচোঁৰ মাৰে,
ইয়াকে কয় নেকি বিপ্লৱ?

সকলোৰে এক ব্যক্তিগত স্বাধীনতা আছে।
হাঁহি আৰু চকুপানী লগত লৈ ফুৰে।
বিপ্লৱ কোনো ধাৰাবাহিক নহয়,
কেৱল সংক্ৰমন হয়।
কাৰোবাৰ একক কণ্ঠ, নিমিষতে বহুতৰ হয়।
ঘটনাবশত সংকল্প, অনিশ্চয় আশা
এনেকুৱাই হয়তো বিপ্লৱৰ পৰিভাষা হ'ব পাৰে!

বন্দুকৰ গোলাবাৰুদৰ আঢ় লৈ
জীয়াই থকাৰ আশা মানেই বিপ্লৱ নেকি?
হাতত টোকা বহী লৈ
সংগ্ৰামী সৈনিকৰ বতৰা লিখা, মগ্ন মনৰ লেখক
কোনে দিব তোমাক নিৰাপত্তা?
নিজৰ ছাঁৰ অন্ধকাৰত লুকাই থকা
কোনো ব্যক্তিক কেনেকৈ ভৰসা কৰিব পাৰো?
বুজি পাইছো বিপ্লৱক!
সমূহীয়া বিবেকৰ উত্থানত
মৰণ একাশৰীয়া নৈ
ইয়াতে সংগ্ৰামী সতীৰ্থক বিচাৰি পাম ...

শিল্পী সত্ত্বা - ৯