এই পৃষ্ঠাটোৰ বৈধকৰণ হৈছে
অ' মোৰ ৰাজমাই বাগিচাৰ
ৰূপহী গাভৰুজনী
অ' মোৰ ৰাজমাই বাগিচাৰ ৰূপহী গাভৰুজনী
মোক তুমি শিৰীষৰ এটি সেউজীয়া শ্বামিয়ানা দিয়া
মই তোমাক পঢ়ি শুনাম গাৰ্থিয়া লৰ্কাৰ এটা প্ৰেমৰ কবিতা
মই তোমাক ভালপাওঁ দূপৰৰ ৰ’দৰ পোচাকত
সন্ধিয়াৰ ঢিমিক ঢামাক টিপ চাকিৰ পোহৰত
অথবা বৰষুণৰ টোপালত তোমাৰ আঙুলিৰ বুলনিত
যেতিয়া চেটাৰ বাজে চাহগছৰ সেউজীয়া পাতত
অ' মোৰ ৰাজমাই বাগিচাৰ ৰূপহী গাভৰুজনী
মোক তুমি শিৰীষৰ এটি সেউজীয়া শ্বামিয়ানা দিয়া
মই তোমাক পঢ়ি শুনাম গাৰ্থিয়া লৰ্কাৰ এটা প্ৰেমৰ কবিতা
মই তোমাৰ ছবি আকোঁ জোনাক নিশা
যেতিয়া মাদলৰ ছেৱত প্ৰাণ পাই উঠে কৃষ্ণচূড়াৰ চূড়া
চম্পা, চামেলী, ৰাংঢালী, ৰঙিলী তুমি যিয়েই নোহোৱা
তোমাৰ হৃদয়ৰ ব্যস্ততম পথটোৰে
মোৰ পাল্ছাৰ বাইকৰ সঘন অহা-যোৱা
নাজানো তুমি জানানে নাজানা
অ’ মোৰ ৰাজমাই বাগিচাৰ ৰূপহী গাভৰুজনী
৬০।এমুঠি বনকৰা কিংখাপ কবিতা
