এই পৃষ্ঠাটোৰ বৈধকৰণ হৈছে
কাজিৰঙা পাৰ যদি তোৰ পোনাহঁতক বচা
কাজিৰঙা, কোনে কাঢ়ি নিলে তোৰ
কলিজাৰ পাতে তিৰ বিৰ ৰ’দ এচেৰেঙা
পাৰ যদি তোৰ পোনাহঁতক বচা
মেক্বেথৰ বিৰনাম অৰণ্যৰ দৰে দূৰলৈ গুচি যা
অথবা দুঠেঙীয়াৰ বিৰুদ্ধে চাৰিঠেঙীয়াৰ বজাই
দে ৰণশিঙা অথবা খং শিঙা
কাজিৰঙা—মানৱতাৰ অধঃপতন
কাজিৰঙা—নিকৰণ নিদাৰুণ
কাজিৰঙা—মানৱতাৰ নগ্ন সংস্কৰণ
মোৰো হৃদয়ত আছে এখন ৰাষ্ট্ৰীয় উদ্যান
বিশ্বাসৰ অমল উৎস আৰু কিছু স্বাভিমান
ৰিব্ ৰিব্ বলি আছে তোক ভালপোৱাৰ বা
মোৰ আশ্বাস তোৰ বিশ্বাস
চিৰদিন চিৰকাল ইয়াতেই থাকি যা
কাজিৰঙা, পাৰ যগি তোৰ পোনাহঁতক বচা।
৫২। এমুঠি বনকৰা কিংখাপ কবিতা
