পৃষ্ঠা:Ratneswar Bora Poem.pdf/২৭

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ হৈছে

নিশাটোৰে উচুপিছে মোৰেই বিছনাত

ইমানদিনে
নিশাটোক আলফুলে
শুৱাই থৈছিলা
তোমাৰ বিছনাত

চুলিত চেটাৰ বজাই
মুখত গুজি দিছিলা
তোমাৰ বুকুৰ
অমৃতভৰা সাগৰীয় শংখ
গান গাইছিলা গুণগুণাই

চোৱাহিচোন চোৱাহি
লাই পাই নিশাটোৱে
আজি উচুপি আছেহি
কেনেকৈ মোৰেই বিছনাত

আৰু মই মাতাল হৈ আছোঁ
ওৰেটো নিশা
এটা অজান বাঁহীৰ মাতত
কোনো এক গোপন ঠিকনাত।

(পূৰ্বপ্ৰকাশঃ সাপ্তাহিক জনমভূমি, পূজা সংখ্যা, ২০১০ চন)

এমুঠি বনকৰা কিংখাপ কবিতা।২১