এই পৃষ্ঠাটোৰ বৈধকৰণ হৈছে
২১৩
হদিৰা চকিৰ ৰণ
তোমাৰ কিনো নকৰিলে মানে?
তোমাৰ শিশুক বধিলে প্ৰাণে॥
তোমাৰ ভাইক পেলালে কাটি৷
তোমাৰ তিৰীৰ মাৰিলে জাতি॥
বীৰ যদি হোৱা তোমাসকলোৱে৷
লোৱা অস্ত্ৰ তুলি যাৰ ভাগে যেনে॥
কৰাহে সইত দেৱতালৈ চাই৷
কাটিম মানক আজিৰ ৰণে॥
বধিম মানক সমুলঞ্চে আজি৷
নথওঁ নথওঁ নথওঁ মান॥
থুকুচি থুকুচি কাটিম মান৷
তেবেসে জুৰাম তাপিত প্ৰাণ॥
ৰাক্ষস পিশাচ পাষণ্ড মান৷
কাটিম কাটিম কৰি খান খান॥
চাম গুচাম দেশৰ বৈৰী৷
ৰাখিম কীৰিতি জগত জুৰি॥
