এই পৃষ্ঠাটোৰ বৈধকৰণ হৈছে
[ পৰিশিষ্ট ৩]
ৰুক্মিণীৰ প্ৰেম-কলহ
প্ৰথম কীৰ্ত্তন
ঘোষা॥ ৰাম কৃষ্ণ ৰাম হৰি বোলা যত্ন কৰি।
মাধৱৰ পাদ-পদ্ম হৃদয়ত ধৰি॥ ১
পদ॥ শুকে বোলে শুনা পৰীক্ষিত নৃপবৰ।
এক দিনা ৰুক্মিণীৰ গৃহে দামোদৰ॥
ৰত্ন সিংহাসনে হংস-তুলিব উপৰে।
বলিয়া আছন্ত তাত জগত-ঈশ্বৰে॥১
ৰুক্মিণীৰ সেৱা দেখি ৰঙ্গে নাৰায়ণ,
হাসি হাসি ৰুক্মিণীক বুলিলা বচন॥
তুমি ৰাজ-কুমাৰী আমিসে ক্ষুদ্ৰজন।
তোমাৰ আমাত কিছু নাহি প্ৰয়োজন॥২
ৰাজাগণ-ভয়ে থাকো সাগৰৰ মাজে।
ভয়াতুৰজনক বৰিলা কোন কাজে॥
স্বৰূপত নোহো মই ৰাজাৰ নন্দন।
নাহি ৰাজ-চিহ্ন মোত ছত্ৰ সিংহাসন॥ ৩
উগ্ৰসেন বাজাবেসে থাকো আজ্ঞা ধৰি।
কোন গুণ দেখি মোক বৰিলা সুন্দৰী॥
এইখণ্ড কীৰ্ত্তন বিষ্ণুপুৰ সত্ৰৰপৰা সংগৃহীত হৈছে।