এই পৃষ্ঠাটোৰ বৈধকৰণ হৈছে
কীৰ্ত্তন ২]
৬২৯
ঘুনুচা-কীৰ্ত্তন
দ্বিতীয় কীৰ্ত্তন
ঘোষা॥ জগন্নাথ হৰি নিয়ো দাশ কৰি॥২
পদ॥ এহিমতে জগন্নাথ যাই দৌল ছাড়ি।
কৌতুকতে চলি যান্ত ঘুনুচাৰ বাড়ী॥
গোপগণে শকট আঝুড়ি নেই বলে।
কীৰ্ত্তন কৰিয়া যায় পৰিচাসকলে॥ ১৭
উৎসৱ কৰিয়া যায় পাণ্ডা নিৰন্তৰ।
আত অনন্তৰে প্ৰভু জগত-ঈশ্বৰ॥
বেলা ভৈল প্ৰহৰেক দেখি দেৱ হৰি।
লাগি গৈল ক্ষুধা তনু কাম্পে তৰতৰি॥ ১৮
বহিল শকটখান আগক নচলে।
শৰীৰৰ বল দিয়া আঝোড়ে গোৱালে॥
মনে জিজ্ঞাসিয়া পাছে পৰিচাসকল।
জানিলেক ফলাহাৰ-বেলা আসি ভৈল॥ ১৯
অনন্তৰে দধি দুধ ঘন ক্ষীৰ ঘৃত।
দিব্য পদ্ম-চিনি চিড়া গুৰ পঞ্চামৃত॥
আনো নানা ভোগ্য বস্তু আন উপহাৰ।
আনন্দে কৃষ্ণক কৰাইলন্ত ফলাহাৰ॥২০
সুৱৰ্ণ ভূঙ্গাৰ ধৰি মুখ পথালিল।
কৰ্পূৰ তাম্বুল আনি মুখ-শুদ্ধি দিল॥
ফলাহাৰ কৰি তুষ্ট ভৈলা দেৱ হৰি।
চলিল শকটখান মহা শীঘ্ৰ কৰি॥ ২১
