এই পৃষ্ঠাটোৰ বৈধকৰণ হৈছে
৬২৪
[ পৰিশিষ্ট ১
কীৰ্ত্তন-ঘোষা
কতো ধৰা-ধৰি মতা-মাতি কৰি
হুই সৱে একথান।
নানা যন্ত্ৰ ধৰি উৎসুকে লৰিলা
কৃষ্ণৰ ধৰি যোগান॥
যতেক পৰিচা পাণ্ডাসৱ আছে
আনো যত নৰ নাৰী।
যাত্ৰা সুমঙ্গল কৰিয়া আনন্দে
চলে লাস-বেশ কৰি॥ ৩
দধি দুগ্ধ ঘৃত লৈয়া পঞ্চামৃত
মোট ভৰি ঠাৱে ঠাৱে।
দুৰ্ব্বাক্ষত সিঞ্চি ডালি ফুল দিয়া
যাত্ৰা সুমঙ্গলভাৱে॥
দৌল হন্তে তাত ঘুনুচাৰ বাৰী
দিব্য ৰাজ-আলি আছে।
সুগন্ধ চন্দনে ধূপ দীপ বস্ত্ৰে
আড়ি আছে দুয়ো কাষে॥ ৪
দুশাৰী বাটত তোৰণ পুতিলা
থোকে গুৱা নাৰিকল।
নানা চিত্ৰ কৰি পথক নিৰ্ম্মিলা
কৰি যাত্ৰা সুমঙ্গল॥
ৰজনী পুহাইল অৰুণ জ্বলিল
চৌভিতি সাঞ্জ কোবায়।
পা পদ ৫॥ অৰুণ জ্বলিল- পূবে সাজ দিল।
