এই পৃষ্ঠাটোৰ বৈধকৰণ হৈছে
৬১৮
[খণ্ড ২৬
কীৰ্ত্তন-ঘোষা
যাৰ ইচ্ছা মোক্ষ পাইবে নলাগে দূৰক যাইবে
আছা হৰি সৱাৰ হিয়াত॥ ৪
কৃষ্ণৰ কিঙ্কৰে কহে হৰি-নামে পাপ দহে
ৰাম-নাম সৱাতো অধিক।
যিটোজনে নাম স্মৰে সকল পাতক তৰে
অনায়াসে পাৱে মুকুতিক॥
জগত-নিস্তাৰ হেতু কৰিলা গৰুড়-কেতু
ইবাৰ বিদিত হৰি-নাম।
আয়ু যায় আলে-জালে কেতিক্ষণে ধৰে কালে
নিৰন্তৰে বোলা ৰাম-নাম॥ ৫
দ্বিতীয় কীৰ্ত্তন
ঘোষা॥ মাধৱ বান্ধৱ উদ্ধাৰা বাপ।
কতনো সহিবো সংসাৰ-তাপ॥ ২
পদ॥ বোলন্ত শুকে শুনা নৃপবৰ্য্য।
বাঢ়য় স্কন্ধৰ যি তাতপৰ্য্য॥
কৃষ্ণ বিনে নাই অপৰ দেৱ।
জানিয়া কৃষ্ণৰ কৰিয়ো সেৱ॥ ৬
যাহাৰ আছে পুণ্য অসংখ্যাত।
সিসি পাতে কাণ কৃষ্ণ-কথাত॥
