এই পৃষ্ঠাটোৰ বৈধকৰণ হৈছে
ষড়্বিংশ খণ্ড
ভাগৱতৰ তাৎপৰ্য্য
প্ৰথম কীৰ্ত্তন
ঘোষা॥ কৃষ্ণ-সুৰ্য্য় ভৈলন্ত উদিত।
নাম-ধৰ্ম্ম কৰিলা বিদিত॥১
পদ॥ সত্য যুগে প্ৰথমত ব্ৰহ্মা আদি দেব যত
হৰি-নাম কৰিলা গুপুত।
কিনো দয়াময় হৰি নামক বেকত কৰি
কলি-পাপ কৰাইলা লুপুত॥
যিটো মহা ম্লেছ জাতি সিও শুদ্ধ হোৱে আতি
মুখে মাত্ৰ হৰি-নাম লয়।
কলিৰ ভয়ত গৈয়া নামত শৰণ লৈয়া
ৰহিল সমস্তে ধৰ্ম্মচয়॥ ১
ইটো কলি কাল ঘোৰ পাপৰ নাহিকে ওৰ
আত হিত চিন্তিলা প্ৰজাৰ।
জগতৰে পাপ হৰে স্মৰণে নিস্তাৰ কৰে
হেন নাম কৰিলা প্ৰচাৰ॥
