এই পৃষ্ঠাটোৰ বৈধকৰণ হৈছে
৫৯৪
[খণ্ড ২৫
কীৰ্ত্তন-ঘোষা
চতুৰ্দ্দশ কীৰ্ত্তন
ঘোষা।৷ কৃষ্ণ মুৰাৰি ৰাম
কৰে পৰিয়া প্ৰণাম।
মোৰ মুখে নছাৰোক হৰি হেন নাম।৷ ১৪
পদ।। নৱ শতাধিক দশ হাজাৰ বৎসৰ।
অখণ্ডে ভুঞ্জিয়ো ইটো ৰাজ্য নৃপবৰ।৷
পাছে মোৰ পৰম-পদক পাইবা তুমি।
থাকিবে তোমাৰ কীৰ্ত্তি যাৱে থাকে ভূমি।৷ ১৫১
যাৱে চন্দ্ৰ সূৰ্য্য থাকে সপত সাগৰ।
ভ্ৰমিবে তোমাৰ যশ ত্ৰৈলোক্য ভিতৰ।৷
যজ্ঞ-অৱশেষ যত জল অনুপাম।
হুইবে তীৰ্থ ইন্দ্ৰদ্যুম্ন-সৰোবৰ নাম। ১৫২
আত স্নান কৰিয়া যাইবেক ইন্দ্ৰ-থান।
একৈশ পুৰুষ উদ্ধাৰিবে পিণ্ডদান।
অপসৰা গন্ধৰ্ব্বে কৰিবে নৃত্য-গীত।
চৈধ্য ইন্দ্ৰ পড়ে মানে থাকিবে তহিত। ১৫৩
হ্ৰদ নৈঋত কোণে আছে সিদ্ধ বট।
দিব্য মণ্ডপেক আছে তাহাৰ নিকট।
বহুবিধ পুষ্প-বনে সদায় আবৃত।
পতাকা তোৰণ ধ্বজ-দণ্ডে অলঙ্কৃত॥ ১৫৪
