এই পৃষ্ঠাটোৰ বৈধকৰণ হৈছে
[খণ্ড ২৫
কীৰ্ত্তন ঘোষা
পাছে ময়ো যমৰায়ৰ বচনত থাকি।
পুতি থৈলে প্ৰতিমাক বালুকায়ে ঢাকি॥ ৪৫
পাছে ইন্দ্ৰদ্যুম্নে তৈতে অশ্বমেধ যজি।
কৃষ্ণ বলভদ্ৰ সুভদ্ৰাৰ মূৰ্ত্তি সাজি।৷
দিব্য দৌল বান্ধি যেনমতে পূজিলন্ত।
লক্ষ্মীত কহিলা হৰি সকল বৃত্তান্ত॥ ৪৬
ব্ৰহ্মাত পুছিলা মুনি সকলো দুনাই।
ক্ষেত্ৰ গৈয়া কি কৰিলা ইন্দ্ৰদ্যুম্ন ৰায়।৷
কহিয়ো হৰিষে শুনোহো পাছ কথা।
বোলা ৰাম ৰাম জন্ম নকৰিয়ো বৃথা।৷ ৪৭
পঞ্চম কীৰ্ত্তন
ঘোষা॥ হৰি নাম হৰি ৰাম ঘুষিয়ো ভাই।
পাপ সাগৰে আন গতি নাই।৷ ৫
পদ॥ বোলন্ত ব্ৰহ্মা শুনা সমুদায়।
ক্ষেত্ৰক পাইল ইন্দ্ৰদ্যুম্ন ৰায়॥
দেখিল স্থানসৱ অনুপাম।
আছন্ত তীৰ্থ মহানদী নাম।৷ ৪৮