এই পৃষ্ঠাটোৰ বৈধকৰণ হৈছে
৫৬০
[খণ্ড ২৫
কীৰ্ত্তন-ঘােষা
পদ্ম-পত্ৰ-সম চাৰু লোচন আয়ত।
গলে বনমালা শোভে কৌস্তুভ কণ্ঠত।৷ ৯
শিৰত কিৰীটি কৰে কঙ্কন কেয়ুৰ।
মকৰ কুণ্ডল জ্বলে পাৰত নূপুৰ।৷
শ্যামল শৰীৰে পীত বস্ত্ৰে কৰে কান্তি।
হিয়াত প্ৰকাশে আতি শ্ৰীবৎসৰ পান্তি।৷ ১০
হেন মাধৱক আৱে আৰাধো কিমতে।
এহি বুলি বাঝ ভৈলা নগৰৰ হন্তে।৷
ভণিল শঙ্কৰে কৃষ্ণ-চৰণত ধৰি।
সমজ্যাৰ সৰ্ব্ব জনে বোলা হৰি হৰি॥১১
দ্বিতীয় কীৰ্ত্তন
ঘোষা।৷ ত্ৰাহি জগন্নাথ আমি অজ্ঞানী অনাথ॥ ২
পদ॥ ৰাজা যান্ত যত মন্ত্ৰী পাত্ৰ পুৰোহিত।
চতুৰঙ্গ দলে লাগ লৈলেক ত্বৰিত।৷
অসংখ্যাত ৰথ যুথে যুথে যায় চলি।
বাৰু খাণ্ডা ধৰি ধাৱে যত মহাবলী।৷ ১২
সীমা-সংখ্যা নাহি লগে লড়ে যত ঘোড়া।
প্ৰমত্ত হস্তীৰ কোনে কহিবেক ওৰা॥
