এই পৃষ্ঠাটোৰ বৈধকৰণ হৈছে
পঞ্চম খণ্ড
অজামিলোপাখ্যান
প্ৰথম কীৰ্ত্তন
ঘোষা॥
জয় জগন্নাথ অনাথ বন্ধু
মাধৱ মুকুন্দ ৰাম॥ ১
পদ॥
হৰিৰ নামৰ শুনিয়ো মহিমা
সাৱধান কৰি চিত্ত।
অজামিল নামে আছিল ব্ৰাহ্মণ
বেশ্যাত হুয়া পতিত॥
বিপ্ৰৰ ঔৰসে বেশ্যাৰ গৰ্ভত
দশ পুল্ৰ জাত ভৈল।
আতি দয়াতৰে কনিষ্ঠ পুত্ৰৰ
নাৰায়ণ নাম থৈল॥ ১
জাতি- কুল- ক্ৰিয়া সমস্তে ত্য়াগিল
মিলিল কৰ্ম্ম- বিপাক।
যত মহাপাপ সমস্ত সিজিল
পোষন্তে পুত্ৰ ভাৰ্য্যাক॥
