পৃষ্ঠা:Kirtan Ghosha.pdf/৫৬৯

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
 

পঞ্চবিংশ খণ্ড

উৰেষা-বৰ্ণন

প্ৰথম কীৰ্ত্তন

ঘোষা।৷ জয় জয় জগন্নাথ প্ৰণামো ৰাম।৷ ১

পদ।৷ নমো নমো জগন্নাথ ভকতৰ নিধি।
 হৰিৰ স্মৰণে আৰম্ভ হোক সিদ্ধি॥
 উৰেষাৰ কীৰ্ত্তনক শুনিয়ো লোকাই।
 শঙ্কৰে ৰচিলা ব্ৰহ্মপুৰাণক চাই॥ ১
 মুনিগণে ব্ৰহ্মাত পুছিলা প্ৰণিপাতে।
 ক্ষেত্ৰৰ মহিমা আৱে কহিয়ো আমাতে।৷
 কিবা হেতু ইন্দ্ৰদ্যুম্ন ৰাজা শুদ্ধ-চিত্তে।
 কৰিলন্ত অশ্বমেধ উৰেষা-পুৰীতে॥ ২
 বন্ধাইল অদ্ভুত দৌল আশ্চৰ্য্য-মহিমা।
 ৰাম কৃষ্ণ সুভদ্ৰাৰ সজাইল প্ৰতিমা।৷
 কিবা হেতু দৌলত থাপিলা নৰেশ্বৰ।
 সমস্তে বৃত্তান্ত কহিয়োক সৃষ্টিকৰ॥ ৩
 ব্ৰহ্মায়ে বোলন্ত শুনা মুনিগণ যত।
 আছিল অৱন্তীপুৰী মালৰ দেশত।৷

.