এই পৃষ্ঠাটোৰ বৈধকৰণ হৈছে
৪৯৮
[খণ্ড ২৩
কীৰ্ত্তন ঘোষা
পঞ্চম কীৰ্ত্তন
ঘোষা।৷ কমলাপতি হৌক গতি।
ৰাম মোৰ মতি তোমাৰ চৰণে॥ ৫
পদ॥ উদ্ধৱে কৃষ্ণৰ শুনি বাণী।
কৃতাঞ্জলি ভৈলা মহামানী।
মাতিবে নোৱাৰি আছা ৰহি।
চক্ষুৰ লোতক পড়ে বহি॥ ৪৭
স্নেহত আকুল কৰে মন।
ধৈৰ্য্য ধৰি ভৈলা সন্ধুক্ষণ।৷
আগ বাঢ়ি গৈলা ধীৰে ধীৰে।
কৃষ্ণৰ চৰণ ছুয়া শিৰে।৷ ৪৮
বুলিলা কৰিয়া নমস্কাৰ।
গুচাইলা মোহ-অহঙ্কাৰ।৷
সূৰ্য্যৰ কাছত যিটো থাকে।
তাক কি আন্ধাৰে আৰ ঢাকে।৷ ৪৯
কিনো কৃপা ভৃত্যক কৰিলা।
বিজ্ঞান-প্ৰদীপ মোক দিল।৷
প্ৰভু এড়ি তোমাৰ পাৱক।
কোনজনে ভজিবে আনক।৷ ৫