এই পৃষ্ঠাটোৰ বৈধকৰণ হৈছে
চতুৰ্থ খণ্ড
ধ্যান-বৰ্ণন
প্ৰথম কীৰ্ত্তন
ঘোষা॥ ত্ৰাহি গোপাল কৃপাল স্বামী।
মাজলো ভৱ-জলধিত আমি॥১
পদ॥ একমনে শুনা হৰিৰ ধ্যান।
বৈকুণ্ঠ নামে আছে মহা খান॥
শাৰী শাৰী ৰঞ্জে বিমানচয়।
বৈদূৰ্য্য-হীৰা-মৰকতময়॥১
চন্দ্ৰ সূৰ্য্য যেন প্ৰকাশে আতি।
নজানি যাত পশি দিন ৰাত্ৰি॥
চাৰু সৰোবৰ নিৰ্ম্মল জল।
সুগন্ধি পদ্ম শোভে উতপল॥ ২
আছে ৰাজহংস-সমূহে ৰঞ্জি।
লীলায়ে মৃণাল ভুঞ্জে উভঞ্জি॥
পাৰে পাৰিজাত মলয়া বাৱ।
চটকে তেজে সুললিত ৰাৱ॥ ৩
ভ্ৰমৰগণে গাৱে হৰি-গীত।
বৈষ্ণবগণ শুনি আনন্দিত।