পৃষ্ঠা:Kirtan Ghosha.pdf/৪৮৫

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
৪৭৪
[খণ্ড ২২
কীৰ্ত্তন ঘোষা

মিত্ৰবৃন্দা কালিন্দীক পাছে যদু-নাহ।
ভদ্ৰা সত্যা লক্ষণাক কৰিলা বিবাহ।৷
এহি অষ্ট মহিষী কৃষ্ণৰ প্ৰিয় জায়া।
বোলা হৰি হৰি তৰা সংসাৰৰ মায়া॥ ৬১

পঞ্চম কীৰ্ত্তন

ঘোষা।৷ হেৰা বেলায় গৱাইলো হৰি ইহেন জনম।
 নভৈল ভকতি মঞি পাতকী পৰম॥৫

পদ॥ নৰকক মাৰি ৰূপে-গুণে মহা ধন্যা
 ষোড়শ হাজাৰ প্ৰভু পাইলা দিব্য কন্যা।
 স্বৰ্গৰো আনিলা হৰি পুষ্প পাৰিজাত।
 দ্বাৰত ৰুইলা সত্যভামাৰ সাক্ষাত॥ ৬২
 ৰুক্মিণীক কৰিলাহা প্ৰেমে পৰিহাস।
 ভৈলন্ত ভয়তে দেৱী প্ৰাণতো নৈৰাশ।৷
 চতুৰ্ভুজ হৈয়া হৰি তুলি আঙ্কোৱালি।
 ৰুক্মিণীক আশ্বাস কৰিলা বনমালী।৷ ৬৩
 বুলিলন্ত কৃষ্ণে যত নিন্দা আপুনাক।
 ওলটায়া ৰুক্মিণী বুলিলা তুতি-বাক।৷
 ভৈলা অনুৰাগ প্ৰভু-চৰণত আতি।
 ভৰিলা দ্বাৰকা কেশৱৰ পুত্ৰ-নাতি।৷ ৬৪