এই পৃষ্ঠাটোৰ বৈধকৰণ হৈছে
উনবিংশ খণ্ড
দামোদৰ-বিপ্ৰাখ্যান
প্ৰথম কীৰ্ত্তন
ঘোষা।৷ ৰাম হৰি গোপাল গোৱিন্দ।
যদুমণি মুকুন্দ গোৱিন্দ।৷ ১
পদ॥ শুক নিগদতি শুনা কুপতি
কৃষ্ণৰ আৰো চৰিত্ৰ।
আছিল দৰিদ্ৰ বিপ্ৰ দামোদৰ
বৈষ্ণৱ আতি পৱিত্ৰ।
কৃষ্ণেয়েৰে তান মহা মিত্ৰৱতি
পঢ়ন্তে গুৰু-গৃহত।
খাইবে খুন্টিবাক একোৱে নাহিকে
বস্ত্ৰহীন শৰীৰত॥ ১
আতি পতিব্ৰতা তাহানে ব্ৰাহ্মণী
দুঃখে দণ্ডে যুগ যায়।
কাম্পন্তে আসিয়া স্বামীক বুলিলা
মুখৰ মাত নোলায় |
