এই পৃষ্ঠাটোৰ বৈধকৰণ হৈছে
সপ্তদশ খণ্ড
নাৰদৰ কৃষ্ণ-দর্শন
প্রথম কীৰ্ত্তন
ঘােষা ॥ কমল-লােচন ৰাম প্রভু ৰঘুপতি।
কি ৰাম হৰি গতি কি ৰাম ৰঘুপতি॥ ১
পদ॥ শিশুপাল প্ৰমুখ্যে নৃপতিগণ জিনি।
ভীষ্মক দুহিতা হৰি আনিলা ৰুক্মিণী॥
ৰুক্মক মুণ্ডিলা ধৰি পৰম বিক্রমে।
অষ্ট মহিষীক বিহা কৰিলা প্রথমে ॥ ১
গৰুড়ত চড়ি নৰকক দিলা ধাৰ।
তাক মাৰি পাইলা কন্যা ষোড়শ হাজাৰ ॥
সৱাকো পঠাইলা প্রভু দ্বাৰকাক প্রতি।
সত্যভামা সমে পাছে গৈলা অম্ৰাৱতী॥ ২
অদিতিক দিলা নিয়া অমৃত কুণ্ডল।
তােমাক অৰ্চ্চিল আসি দেৱ আখণ্ডল॥
বাসৱে সহিতে হৰি কহি কথা-মাত।
খুজিলা ভাৰ্য্যাৰ পদে পুষ্প পাৰিজাত॥ ৩
পা ঘোষা ১ ॥ ৰাম প্ৰভু—কৃষ্ণ ৰাম।