এই পৃষ্ঠাটোৰ বৈধকৰণ হৈছে
কীৰ্ত্তন ৮]
৩৭১
মুচুকুণ্ড-স্তুতি
তুমি মোৰ প্ৰিয়তৰ।
যেহি লাগে লৈয়ো বৰ॥
কহিয়োক অভিপ্ৰায়।
ভক্তৰ দুৰ্ল্লভ নাই॥৯৫
কৃষ্ণৰ কিঙ্কৰে ভণে।
শুনিয়োক সৰ্ব্ব জনে॥
সমস্ত সমাজে ঢাকি।
হৰি হৰি বোলা ডাকি ॥ ৯৬
অষ্টম কীৰ্ত্তন
ঘোষা॥ ও হৰি নমো নাৰায়ণ
চৰণে মাগো তৰণ-উপায়।
তোমাৰ ভকতি বিনে বাসুদেৱ
বৃথা আয়ু বহি যায়॥৮
পদ॥ পাছে মুচুকুন্দে কৃষ্ণক জানিলা
গৰ্গৰ বাক্য সুমৰি।
পড়ি তুতি আতি কৰিবে লাগিল
চৰণে প্ৰণাম কৰি॥