এই পৃষ্ঠাটোৰ বৈধকৰণ হৈছে
৩৬৮
[খণ্ড ১৫গ
কীৰ্ত্তন-ঘোষা
কৃষ্ণৰ কিঙ্কৰ শঙ্কৰে ভণে।
কৃষ্ণ-কথা শুনা সমস্ত জনে॥
কৰিয়ো কীৰ্ত্তন আলাস এড়ি।
বোলা হৰি হৰি সমাজে বেঢ়ি॥ ৮১
সপ্তম কীৰ্ত্তন
ঘোষা॥ ৰাম কৃষ্ণ গোবিন্দ।
ত্ৰাহি ত্ৰাহি মুকুন্দ॥ ৭
পদ॥ পাছে মুচুকুন্দ-ৰায়।
সোধে মাধৱক চাই॥
কোন তুমি থাকা কৈত।
কি কাৰ্য্যে মিছা ঐত॥ ৮২
পদ্ম-পত্ৰ-সম ভৰি।
কণ্টকত কেন কৰি॥
ফুৰা গিৰি-গহ্বৰত।
নুবুঝো তোমাৰ মত॥ ৮৩
কিবা ইন্দ্ৰ সূৰ্য্য শশী।
মূৰ্ত্তি ধৰি আছা আসি॥
ব্ৰহ্মা বিষ্ণু ত্ৰিনয়ন।
তাসম্বাৰ একজন॥ ৮৪