পৃষ্ঠা:Kirtan Ghosha.pdf/৩৬

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
কীৰ্ত্তন ২ ]
২৫
পাষণ্ড-মৰ্দ্দন


দ্বিতীয় কীৰ্ত্তন



ঘোষা॥ হৰি ও হৰি ৰাম মুৰাৰি।
কীৰ্ত্তনৰ নিন্দা সৈতে নপাৰি॥ ২
পদ॥ চাণ্ডালে কৰিছে হৰি-কীৰ্ত্তন।
 বুলিয়া তাক নিন্দে অজ্ঞ জন॥
 তাক সম্ভাষণ যিজনে কৰে।
 আজন্মৰ পুণ্য তেখণে হৰে॥ ১৭
 বিষ্ণুৰ গুণ-নাম-অলঙ্কৃত।
 অন্ত্যজো যি কৰি আছে গীত॥
 তাক নিন্দা কৰে যিটো কুমতি।
 পুণ্যক নশি যাইবে অধোগতি॥ ১৮
 আমাৰ বোলে পতিয়ন নাই।
 দেখিয়ো সুত-সংহিতাক চাই॥
 ৰজোগুণে কৰে কৰ্ম্মত প্ৰাতি।
 কৰ্মীৰ দম্ভ-ভাৱ বাঢ়ে আতি॥ ১৯
 কৰে হিংসা-ধৰ্ম্ম নুপজে বোধ।
 নুগুচয় যেন সৰ্পৰ ক্ৰোধ॥


পা ঘোষা ২॥সৈতে নপাৰি—সহিতে নাৰি, গুণিতে নাৰি।