পৃষ্ঠা:Kirtan Ghosha.pdf/২৮

ৱিকিউৎসৰ পৰা
Jump to navigation Jump to search
এই পৃষ্ঠাটোৰ মুদ্ৰণ সংশোধনত এটা সমস্যা হৈছে

দ্বিতীয় খণ্ড: নাম-অপৰাধ

অধক যাই সিও হােৱে কলা।
বাইবে কাণত তপত শলা ॥ ২১
নাহিকে শ্রদ্ধা নপাতৈ কাণ।
তাক যিটো দেয় নামক দান ।
নামৰ দ্রোহী নাহি তাত পৰে।
ভুঞ্জাইবে যাতনা যম-কিঙ্কৰে । ২২
শুনিয়া নামৰ মহিমা নিতি।।
তথাপি নামত নকৰে প্রীতি।
নামৰ দ্রোহী সিও অহঙ্কাৰী ।
ভুঞ্জিবেক কাকে জিহ্বা উভাৰি । ২৩
এহি দশ অপৰাধী নামৰ ।
আমাত কৃপায়ে কহিলা হৰ।
পূৰ্ব্বত সমস্ত মুনিৰ আগে।
তােমাত এবে কৈলে অনুৰাগে ॥ ২৪
নামৰ দ্রোহ নেৰে যিটো জানি।
পাপত পচে সিও মন্দ প্রাণী।
মাতৃক ক্রোধে ত্যজি যেন অন্ন।
দুঃখ মাত্র পাৱে বালকগণ ॥ ২৫ :
এৰিয়া অপৰাধ দেৱ-ঋষি।
নামত যতন কৰা হৰিধি।